El sábadu 18 de febreiru, a las 19,00 h. y dientro del ciclu d’actividades formativas que’l colectivu está a desenvolver nestos meses nel Ateneo Varillas, recibiran la visita del investigador cabreirés Iván Martínez Lobo.
Conocidu y respectáu pol sou llabor adicáu a la difusión de la llengua y cultura cabreiresas y principal responsable de la recuperación de la mazcarada d’iviernu d’esa comarca (protagonizada pola figura de lus campaneirus), Iván achegarános a la realidá y detalles d’ún de los elementos culturales llioneses más interesantes y con más personalidá: la mázcara y la celebración del Antruidu.
Guirrios, Jurrus, zamarrones, campaneirus… a traviés de las palabras del nuesu invitáu conoceremos la sua rezón de ser, d’aú xurde esta tradición, cúmo evolucionóu y cuáles son las las suas principales características.
Mas info: http://xuntanza.info
