Versión clásica

Las asociaciones Faceira y Iniciativa pol Asturianu ponen en marcha la campaña #FalamosIgual

Las asociaciones Faceira y Iniciativa pol Asturianu ponen en marcha la campaña #FalamosIgual pa concienciar sobre la unidá lingüística asturllionesa. La campaña quier dar una mayor conocencia social de la realidá lingüística común entre Asturias y Llión

#FalamosIgualLas asociaciones “Asociación Cultural Faceira” y “Iniciativa pol Asturianu”, presentan  la campaña conxunta #FalamosIgual. Esta vai espayase nas redes sociales pa da-ye visibilidá a la realidá lingüística común, dando a conocer qu’en Llión, Asturias y outros territorios, compártese una llengua tradicional común que recibe nomes distintos pero que forman el mesmu idioma.

La campaña quier poner en valir esi patrimoniu lingüísticu común explicando a la sociedá cúmo las distintas variedades del asturllionés (asturianu, n’Asturies, y llionés en Llión) son perfectamente intelixibles ente si, compartiendo gran parte del léxicu y una mesma gramática, asina como una historia común.

Outru obxectivu de la campaña #FalamosIgual ye reconocer las variedades internas de la llengua cumo un elementu positivu, que nun contradiz la unidá del mesmu, senón que ye una riqueza.

Asina, falar de llionés ou asturianu ye falar de la mesma realidá lingüística con nomes distintos y con rasgos propios, cumo asocede con tódalas llenguas del mundu, qu’están conformadas por distintas variedades.

La campaña vai llevase alantre nas redes sociales a lo llargo de los meses vinientes, con una palabra común a todu’l dominiu lingüísticu y una imaxe ilustrativa, con un deseñu atractivu, cada sumana, de forma asemeyada a outras campañas entamadas polas entidades de forma independiente. Las organizaciones van animar a la comunidá de falantes a compartir estas imáxenes, buscando que cheguen al máximu númaru posible de personas.

#FalamaosIgual va incluyir tamién una chamada a las instituciones, pa que trabayen de forma conxunta en reforciar los llazos culturales y lingüísticos d’Asturies, Llión y el restu de territorios que comparten llengua, con campañas propias, eventos y apoyu recíprocu a iniciativas culturales, no ámbitu musical, literariu, o de la cultura tradicional.

Enredando
Política de privacidad

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.

Más información sobre la política de privacidad.