Andecha Astur convoca pa esti sábadu 22 d’agostu un Actu d’Homenaxe a la Declaración de Soberanía del Conseyu Soberanu, cola qu’Asturies s’independizó de la República Española.
Fotografía: ANDECHA ASTUR
Nel Puertu Tarna, esti sábadu 22 d’agostu, a la 1 del meudí, nel monolitu comemorativu de la Declaración de Soberanía, tendrá llugar el tradicional actu d’ homenaxe a la Declaración de Soberanía del Conseyu Soberanu por mor de la qu’Asturies s’independizó de la República Española, entamando un auténticu procesu revolucionariu y de reconocencia a nivel internacional que defendió heróicamente coles armes frente al exércitu franquista español y los sos alliaos alemanes.
Nestos intres, nos que’l Pueblu Asturianu caltién una dura llucha en defensa de la so identidá nacional y de los sos drechos colleutivos frente a los enfotos asimilacionistes del Estáu español y de los partíos sucursalistes afincaos n’Asturies que, seyan de drecha o izquierda, comparten un mesmu proyeutu de negación de la indentidá nacional y soberanía asturiana, Andecha Astur fai un llamamientu al conxuntu de la sociedá asturiana a recuperar aquellos valores que llevaron al Pueblu Asturianu a asumir les riendes del so propiu destín, y lo mesmo que fixeron los nuesos antepasaos, a enfotase en sofitar y costruyir alternatives propies empobinaes a algamar la recostruición nacional y social d’Asturies.
Andecha Astur considera perimportante participar na reivindicación d’esa fecha y esi fechu hestóricu, dientru d’una dinámica de recuperanza de la nuesa soberanía comu Pueblu, y per ende, del nuesu drechu a decidir llibre y democráticamente’l nuesu futuru ensin más llendes que les que voluntariamente querramos ponemos.
Fuente y más info: http://www.andecha.org
