Ven y participa nesti día contra toda imposición na nuesa fiesta nel Ret Marut de la Ciudá de Llión, dende las 18 horas.
Un añu más la Esquierda Llionesa vuelve celebrar el sou Día de Resistencia. Reivindicamos la nuesa esistencia como puebru y afirmamos la nuesa voluntá de nun desapaecer de la Historia.
RUCHAR Mocedá Llionesa, ye una organización sociopolítica que xurde por esmeru de la xuventú llionesa, con sensibilidades d’esquierda, pa organizase y entamar acciones encaminadas a defender los intereses de la mocedá que día a día vese acoquinada y ensín futuru na sua tierra. Por eillo la lluita pola soberanía del País Llionés ye’l puntu fuerte de los fines de la organización, siempres guiada por deillos intereses cumo son el llaicismu, el socialismu, el feminismu, el llionesismu, l’internacionalismu, l’antifacismu y el dreitu d’autodetermín.AGORA ye una organización llionesa autónoma, con calter de conceyu participativu, entamada sobro un abanicu de sensibilidaes d’esquierda que tienen como base plantegamientos comunes, como la democracia participativa, el llaicismu, l’ecoloxismu, el feminismu, el socialismu, el llionesismu, y l’internacionalismu y el dreitu d’autodetermín.
AGORA ye una entidá nacional, cultural, política y social que, enferronada conas necesidaes de la mayoría social llionesa y dende una visión d’esquierda, tien como principal oxetivu l’articulación propia de fuercias que contribuya pal xurdimientu d’un Movimientu Popular Llionés, fuerte y auto-organizáu, qu’al traviés de la tresformación social, dea orixe a una sociedá ensin clases, solidaria, democrática, llibre, xusta, igualitaria y en paz.
