Versión clásica

El Teixu celebra na Valdería las VI Xornadas de Patrimoniu Lingüísticu y Cultural

El Teixu, Rede pal Estudiu y Defensa de la Llingua Asturllionesa celebra cona colaboración de la Xunta Vecinal de Ñogareyas y de numerosas empresas locales, una nueva edición de las Xornadas de Patrimoniu Lingüísticu y Cultural, qu’esti añu tendrán llugar na Valdería. 

Hoy domingu, la programación empieza a las 11:30 na ilesia de Ñogareyas, cona IV misa d’avientu, que’l sacerdote Máximo Carracedo oficiará n’asturllionés.

Y a las 12:30, Isidora Rivas Turrado, la mayor estudiosa de la variedá lingüística local, ofrecerá no centrou cultural la charla Voces del Ería: el leonés hablado en La Valdería.

A las 17:00 nel centru Cultural tendrá llugar la presentación de la serie audiovisual d’El Teixu Videoteca de la llingua asturllionesa, una colección de gravaciones que tien por obxectu mostrar la realidá actual de la llingua asturllionesa en todu’l sou territoriu. A continuación, va proxectase’l ciclu de videos musicales Xuntos na diversidá, con grupos d’Asturias, Llión y Miranda. Y la música va poner tamién el remate a las xornadas a las 19:00 na tabierna, cona estrena de la obra La fala d’un cantar, de Carlos Huerta “El Solito Trovador”.

VI Xornadas de Patrimoniu Lingüísticu y CulturalLas Xornadas de Patrimoniu Llingüísticu y Cultural celébranse anualmente en distintos llugares de la provincia de Llión y pretenden destacar el valor incalculable de las variedades del asturllionés que sobreviven nestas zonas. Depués de realizase n’Estorga, Llión, Viḷḷablinu, Villamejil y Oseya, El Teixu llega a outra de las fronteras del idioma, La Valdería, pa reivindicar que nesta comarca llionesa ontavié se fala l’asturllionés.

Fecha de inicio: 23-12-2018

Fecha fín: 23-12-2018

Lugar: Nogarejas/Ñogareyas

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.